有指美國iPhone 5c大劈價，文件倉上淘寶仲可以三千蚊人仔有交易，搞到一班iPhone 4用家都心郁換機。雖然好多人依然唔太Like佢個c字，好似入手平版iPhone咁。不過加番個型殼，即時改頭換面，無人知你用緊5定5c啦！文：Anna 圖：蔡建新A官殼新玩 呢個官方出品的「蘋果棋」5c殼，近日全面升呢，事關有網友出手製作免費App《Flipcase》，只要反轉個殼笠到5c，真係可以玩到蘋果棋！另外仲有免費App 《CaseCollage》，用家可以在圓圈內設計唔同相片同圖案，之後打印出來墊於膠殼底，成功幫個Case改變形象。其實官方殼相當輕巧，加埋咁多增值玩法，值得入手！B本土味道 想為iPhone 5c加入本土味道，Candies新出的Match Box系列，就以香港味十足的「雙喜火柴」作設計藍本，將手機變到四四方方，望落似拎住個巨型火柴盒，夠晒玩味！C重型存倉護 話晒幾千蚊入手部新iPhone，當然要加重保護。LRT SwitchEasy Hero機殼就由兩種物料組成，內層採用有吸收震動作用的TPU物料，外層就有「X」型防撞硬身機殼，夠晒保護，而且外形仲相當吸引！D星級設計 唔好話iPhone 5c無人捧！經常搵唔同名人設計機殼籌款的Whatever It Takes，最近亦新推出一系列iPhone 5c機殼。今次的名人除�有著名樂隊Coldplay、女歌手Katy Perry之外，最驚喜係有Eason加入，係時候支持下啦！註：所有價錢僅作參考，以商戶最新公佈為準。A. Apple / .apple.com/hk B. Candies / .oracle-gifts.com C. LRT SwitchEasy Hero / 2395 3913 D. Whatever It Takes / 2407 1118儲存
請先 登入 以發表留言。