兩年前Samsung Galaxy Note徹底改變手機生態，儲存令大芒機有價有市，其後更衍生出新名詞「Phablet」，搞到大家即時「跟Phone」！事隔兩年，其第三代終於�柏林時間九月四日面世，不但屏幕更大、聲音更出，新S Pen更強化了記事及擷圖能力，配合皮革機背，令操作猶如真正筆記簿咁便利。同場還首發了「錶機」Galaxy Gear，影得又講得，現場人人爭住玩，恍似特務上身！Samsung每年例必搞兩場Unpacked發布會，有一場為Galaxy S，另一場就係Galaxy Note。年初時S4已於紐約發布，今次第二回則在柏林舉行，主角正正就是Note 3。小記準時七點入場，驚覺舉行地點Tempodrom劇院的3,800個座位已幾近爆滿，而伴隨一陣交響樂聲，Note 3與Gear終於登場，當中後者出場時更引來熱烈掌聲。兩機本月25日起便在全球超過140個國家發售，香港都有份，想玩新機就要儲定錢了！恍如高級筆記簿名副其實，Note這名堂全因其出色的記事功能，但金屬拼塑膠的機身，形象始終走不出手機固有框框。Note 3最大不同之處，就在於機背加入了仿皮革物料，雖不是真皮，但已令質感提升不少，而且邊緣位縫合得相當細緻，予人有一種高級筆記簿�感覺。初步發售時先有黑、白、粉紅三色，另外又有S-View Cover、Flip Wallet等不同款式的機套選擇，論外觀絕對不比玩多色的iPhone 5C輸蝕。屏幕則微升0.2吋至5.7吋，數字上分別不大，但由於採用了幼邊框設計，因此拍埋一比，會發覺「視野」廣闊了許多，最重要是解像度已「升呢」至全高清質素，叉足電又夠玩一日，至�師奶仔煲劇用。懸浮開選單由上代Note 2開始，S Pen已幾乎可以包辦全機大部分操作，現場見第三代的S Pen依然保持極高靈敏度，但就加入埋懸浮選單「Air Command」。用家只要把S Pen懸空在屏幕上方再按掣便能隔空開啟，之後有不同功能選擇，包括可快速寫下便條的「Action Memo」；畫圈就能擷圖的「Scrapbook」；有條理地把筆記儲存的「S Note」；藉手寫文字來搜尋資料的「S Finder」；以及畫出長方形就能開啟計數機、YouTube等不同工具的「Pen Window」等。小記最Like�就係「Scrapbook」，輕鬆就能把網頁擷下，之後開新蒲崗迷你倉又能追蹤來源，用來做資料搜集真係好幫得手！首見八核快絕同級Galaxy Note 3將會提供3G及4G LTE兩個版本，前者採用「4+4」架構，令手機處理器首達八核心設計；而後者則採用Qualcomm 2.3GHz四核處理器，搭配超誇張的3GB RAM，於《AnTuTu》得分高達32,061分，快絕同級！影音方面，1,300萬像素鏡頭唔算亮點，驚喜反而係新增�High CRI閃光燈，據說可令色彩失真程度減低，夜晚影相唔怕相片變晒色。另外，一如剛發表的LG G2，Note 3亦可播放24 bit/192KHz無損音樂，並在32GB及64GB內存以外，提供microSD卡槽，唔似G2咁冇得入卡，就算幾多歌都食得晒！Note 3 SPEC制式︰GSM四頻、WCDMA、LTE處理器︰1.9GHz八核心（3G）2.3GHz四核心（4G）記憶體︰3GB RAM；32、64GB內存；支援microSD屏幕︰ 5.7吋Super AMOLED（1,920×1,080解像度）鏡頭︰前置200萬像素 後置1,300萬像素對外連接︰藍芽4.0、microUSB、LTE、42Mbps HSPA+、Wi-Fi、NFC電池容積︰3,200mAh作業系統︰Android 4.3體積︰151.2×79.2×8.3mm重量︰168g「錶機」首現 Galaxy Gear由傳聞到登場，Galaxy Gear都是風頭躉，雖然實物沒有用到彎曲屏幕，但1.63吋Super AMOLED正方形屏幕依然好搶眼，並對應體感操作，例如屏幕朝上一秒就會自動�芒，橫掃錶面可選頁，而有來電時只要把手移至耳邊就能接通，令講電話好似特務咁有型！通話以外，Gear還提供簡訊提示、計步器、S Voice及Voice Memo等功能，而錶帶的Memographer鏡頭更可拍攝190萬像素相片及十秒短片，舉高手就可Snapshot。Gear暫時兼容S3、S4、Note 2及Note 3等手機，叉一次電就能運行25小時以上，出街一日都毋須擔心冇電！Gear SPEC處理器︰800MHz記憶體︰512MB RAM、4GB內存屏幕︰1.63吋Super AMOLED（320×320解像度）鏡頭︰190萬像素電池容積︰315mAh體積︰36.8×56.6×11.1mm重量︰73.8g查詢︰3698 4698mini storage
留言列表
